مدونة اشعار ومهرجانات الشاعر الجارح احمد چاچو
مهرجان أعلنت حربي 2020
ت١
يا أصحاب رخيصة ماتسيبونا
كفاياكو بقا خداع
في الفرح تيجو تفتكرونا
في الشدة الكل باع
يا ولاد حرام انتم اندال
مافيش فيكم شجاع
اخركوا كلام حبة عيال
انا كنت ليكو شعاع
ت٢
انا وفيت ليكو وانتو بتخدعو
كدابة عينيكو في زبالة ترضعو
انا كنت زمان معاكو انسان
دلوقتى حان انكو تدمعو
عاوزين ترجعو لا بتدلعو
خايفين تزعلو بالنار تولعو
ده اي جبان لقلبي انا خان
مالوش مكان هنا يلا اخلعو
ت٣
هنقول قدر وشيطان حضر
ومافيش حذر من الانتقام
قلبي انجلط هحدف زلط
وقت الغلط نسيو الحرام
بيا اتغدر عيشت في خطر
حزني انفطر منغير كلام
مخي اتخبط حلمي اتحبط
ليه اتربط واعيش في الآم
ت ٤/١
ديه ليلة العمر جايين نهني
ونفرح العريس
واقفين بنرقص كمان نغني
ولل الاعادي هنغيظ
احمد بسيوني مبروك يا غالي
ديه الليلة فرحتك
يا قلب اخوك مشغولي بالي
تدوم ضحكتك
ت ٥/٢
معروف أسد واعدائي ضباع
قلبي اتحسد وبسرعة اتباع
ده مهما كان مرك يا زمان
هعيش عشان اخد حقي
والله يا رعاع هتعيشو اوجاع
ومافيش إشباع قلبي انا جاع
هاكل لحمكو هشرب دمكو
هكسر عضمكو انا في بوقي
ت ٦/٣
قلبي بصراحة دكتور جراحة
مافيش براحة ولا في كلام
هتشوفو الغل منكو هقل
منغير ما مل انسو السلام
ماسك كساحة هي اكتساحة
واقف في الساحة مدى التمام
ومش هكل ضرباتي بتشل
انا ليا ظل زعيم اجرام
ت ٧/١
يا قلوب غليظة ما ترحمونا
انا حبي ليكم ضاع
أخصام جبانة عاوزين يجونا
وانا جاهز لأي صراع
واقف انا بسن سيوفي
سمعت صوت الصراخ
قولت لحياتي بصي شوفي
اخصامي شبه الفراخ
ت ٨/٢
ثابت في مكاني وده كان قدري
جايين علشاني و انا مين قدى
قلبي الغلبان عاش في الحرمان
وعليكم هان انا هدبحكو
ما نزلتم انتم من نظري
وعادي لو هخسر عمري
هعمل عليكو عروض حصري
ده بأيدي انا هنسفكو
ت ٩/٣
هحط عليكو واقطع ايديكو
هلعب بيكو وانتم اشلاء
معايا كلبي وسلاح فجنبي
أعلنت حربي هضرب بغباء
جاي ليكو و الموت يناديكو
هقتل فيكو ده انا ابتلاء
يا دنيا لفي بصورة سيلفي
بلاش تخفي جثث الاعداء
Comments
Post a Comment