مهرجان الحب مات

 

خلص الكلام والحلم مات
مابقاش في غالي علينا
بعد الخداع الحب ضاع
مع ذكريات ليالينا

أحباب مافيش أصحاب تغيظ
وماحد بيخلص لينا
فين الي كان الكل باع 
وماحدش كان شارينا

حبيت اتجرحت انا ليه
يا ريت ما كنت حبيت
قلبي في حبك اتعذب
خليتني بجد بكيت

حبيتك وانت ما قدرتيش
الحب الي انا حبيتهولك
ما انت بجد ما تستاهليش
فهسيبك عايشة بطولك

بتقولي أن انا حبيتك
ايوا فعلا ده كان زمان
بس بجد انا ناسيتك
مابقاش ليكي في قلبي مكان

بيعتي حبي وانا اشتريتك
قلبي منك ياما اتخان
هونت عليكي لما انا حبيتك
دلوقتى قلبك عليا هان

جاية تقولي وحشني هواك
وحشني العيشة الي معاك
انا نفسي لو مرة القاك
ونسيتي عملتي ايه فيا

جيتيلي ضايعة سيبتيني ضايع
كنتي بايعة وانا مش بايع
دلوقتى راجعة انا مش راجع
مهما تبكي كتير عينيكي

لساكي فكراني بشتقلك
ولا اني هموت وارجعلك
ده شيطانك بيهيألك
انا فعلا مش محتاجلك

انا كنت زمان بهواكي
برتاح اوي وانا وياكي
رسمت طريقي معاكي
اتاريكي خاينة بتتزاكي

كنت عارفك هتندمي
وهتتمني لحظة رجوع
دلوقتى شايفك تتألمي
عايشة بين أحزان ودموع

انا مش عاوزك تتكلمي
عارف قلبك بقى موجوع
شايفك قاعدة وبتندبي
وجعك وجع تكسير ضلوع

قلبك ده فاضي من جوا
مافيش مشاعر ولا احاسيس
كنت ليكي انا الدوا
وانت بيعتي قلبي رخيص

عملت ليكي زمان انا خاطر
وناس كتير ياما نصحوني
قالولي بتغشك يا شاطر
حولوا ياما يفهموني

كنت شايف فيكي طيبة
بس عادي ومش غريبه
رسمتي انت الدور عليا
انت في الغش نصيبة

وعلشان الناس مقامات ،
انت مابقاش ليكي قيمة
هتقلبي في الحكايات
وانا هقولك عدا وفات ،

حكايات اي كفايه عليا
ما انت زمان بكيتي عينيا
خلاص وجفت دموعي
انت فعلا ماكنتيش ليا

قفلتي جرح وفتحتي غيره
انا مش هقبل اعيش فجراح
قلبي مش قابلك تجيله
خلاص حبك يا عيني راح