مهرجان الفستان الابيض
يا صحبة كلها اندال
الأصل في الوفا و ماتنسوش
في ناس اصيلة اوي
وقلبها عايش مجروح
وليه نعيش الوفاء
والقلب بسببه مدبوح
اوعى الصحاب تغرك
او تتخدع فيهم
اما عن الاحباب
كفايانا منهم جروح
انا الي عايش جسم بس
ومنغير روح
انا قلب كلبي اجرأ من صاحبي
معايا في العركة مسندل جنبي
اما انت ناي وبتقول جاي
الاقيك ماتجيش علشان انت نايتي
معروف جبان مانتاش غلبان
اخرك اعلان تندغ في لبان
طرقع طراقيع ما انت الحيحان
وزعيم اندال معروف انت ديرتي
أصحاب ماليهم غدر
احباب جابو اكتئاب
مركب فوسط البحر
الشط ليه سراب
الموج وكان عالي
واتقطعت الشراع
صوت الموت نادالي
بقاوم وسط الاوجاع
انا قلبي موجوع من جواه
شريان قلبي مدبوح واه
َحبيبتي الي انا قلبي بيهواها
اخدها غيري وهتعيش معاه
ليل ونهار عايش في بكاه
ومن دموعي مليت بحار
ما الخير ليها انا بتمناه
وهعيش انا في وسط النار
احنا جدعان وانتم خرفان
مفيش سلكان الغل ماليكم
يرحم زمان عم الغلبان
قلب الانسان ولا يتمر فيكم
.
انا صاحبي خان و طلع جبان
باعني عشان يشتري نسوان
فالشدة اهو بان ومالوهش امان
شاف البنات و ريل عليهم
صاحبي طلع غدار
ومنغير سابق انذار
غدر بيا في ضيقتي
سابني لوحدي في النار
انا مش عايز اعذار
خلاص انا خدت قرار
لاقيته جايلي يجري
علشان عيشت استقرار
واللى قصادي عاملي مخلص
لكنه خاين عمره ما يخلص
كلام فى ضهرى ومن ورايا
لكن قدامي قاعد مقرفص
حتى القريب ليا بيخون
للعيش والملح مش بيصون
كله عايش بس للمرازية
مابقيتش عارف مين مضمون
ناس شايفا قلبي جبروت
ولو ان في كل لحظة بموت
العمر بيجري بيا ومني بيفوت
وانا غرقان في بحر الاحزان
انا كنت عايش بحسن نيا
و الدنيا جات كتير عليا
مابقتش عارف مين معايا
ومين بحب قلبه ليا
مش عايز احب لو ان الحب
خبط على بابي
انا قلبي يحن ما هي برضو احن
عليا من احبابي
مابقيتش انا عارف حاجة
ومشاعري بقيت محتاجة
اسمع صوتها واكلمها
حياتي ليها بقيت مشتاقة
ضحكة صافية وقلب نقي
مهما بقابل من احزان
ما بقولش انا شيخ تقي
لكني برضو ماناش شيطان
كل الحكاية طيبتي اتلغت
وشراستي عالجاحد ابتدت
قصة حياتي للناس اتحكت
وعمري ما اجي على الغلبان
الطيب في الزمن ده ضحية
عاملينه كابش عشان اضحية
لو ان طيبة قلبه ديه ميزة
لكن الناس قلوبها غبية
سلفني ضحكة تكون حقيقية
وفرحة لقلبي تكون مرضية
بلاش الحظ يفضل معاندني
الدنيا ليه بتلطش فيا
قلبي حب وطب داب
لكني برضو عايش في عذاب
مكتوب عليا اشوفها بعيني
بالفستان الأبيض مع غيري
هروح واهني كمان هغني
ما هي العروسة ديه حتة مني
لكن الزمان ليا معاندني
وانا مش هظلمها ابدا معايا
ويلا بينا الدنجوان هيغني
Comments
Post a Comment